Домрачава заявіла, что ніколі не выконвала якіх-небудзь палітычных заданняў КДБ

“Той, хто ведае, як арганізаваны спорт у еўрапейскіх краінах, ведае таксама, што многія вядучыя спартсмены працуюць на дзяржаву ў той ці іншай форме. Гэта можа быць невялікі даход або стыпендыя ад ваенных або мытных ведамстваў, паліцыі або Міністэрства ўнутраных спраў. Так было і са мной у Беларусі. Гэтак жа, як у Нарвегіі існуе стыпендыя ад НАК Нарвегіі, я атрымлівала сваю стыпендыю ад Міністэрства ўнутраных спраў”, - сказала Домрачава.

Па яе словах, “гэта пачалося 8-10 гадоў таму, калі была маладой спартсменкай і мела патрэбу ў сродках, каб займацца толькі спортам”. “Фінансаванне спынілася пасля гульняў у Сочы. Я ніколі не выконвала якіх-небудзь палітычных заданняў КДБ, а толькі атрымлівала стыпнндыю, каб засяродзіцца на спартовай кар’еры", —паведаміла Домрачава нарвежскаму выданню VG.

На гэтым тыдні стала вядома, што Дар’я Домрачава праходзіла службу ў КДБ Рэспублікі Беларусь у званні старшага лейтэнанта. Яна сапраўды да чэрвеня 2014 году знаходзілася на службе ў КДБ, але ў дадзены момант ужо не з’яўляецца супрацоўнікам ведамства, паведамляе "Радыё Свабода".