БФСТ «Дынама»: «Домрачава больш не ў спартыўнай камандзе КДБ, гэта састарэлая інфармацыя»

Учора ўвагу карыстальнікаў інтэрнэту прыцягнула інфармацыя, што алімпійская чэмпіёнка праходзіць службу ў спартыўнай камандзе КДБ. У прыватнасці, паведамлялася, што Герой Беларусі, біятланістка Дар’я Домрачава праходзіць службу ў КДБ і мае званне старшага лейтэнанта.

"Наша Ніва" патэлефанавала ў БФСТ «Дынама», каб спраўдзіць, чаму ж гэтая старонка выдаленая. «Бо інфармацыя не абноўленая, састарэлая. На сённяшні дзень Дар’я Домрачава не з’яўляецца членам спартыўнай каманды КДБ», — паведаміў начальнік аддзела інфармацыі і грамадскіх сувязяў «Дынама» Сяргей Шаўчэнка.

Але ці застаецца біятланістка на службе ў органах дзяржбяспекі, не паведамляецца.