Уначы падчас затрымання збілі Вячаслава Сіўчыка

Па словах ягонай маці, яго доўга каравулілі, а як затрымалі – пачалі моцна збіваць.

Сіўчык паспеў датэлефанавацца да жонкі, якая спусцілася з кватэры ў пад’езд. Аднак яе груба адштурхнулі і паведамілі, што муж нібыта брыдкасловіў.

Вядома, што актывіста трымаюць зараз у РУУСе Цэнтральнага раёна Мінска.

Стала вядома, што  Сіўчыка вінавацяць у дробным хуліганстве (арт.17.1 КаАП) і непадпарадкаванні патрабаванням супрацоўнікаў міліцыі (арт. 23.4. КаАП). Разгляд адміністрацыйных спраў актыцвіста адбудзецца сёння ў Цэнтральным судзе Мінска.

Апошні раз актывістаў ў Беларусі з прымяненнем фізічнай сілы затрымлівалі некалькі месяцаў назад, калі Павел Сяргей і Максім Шыцік у зале суда пад час разгляду “справы графіцістаў” разгарнулі расцяжку на якой было напісана "Мастацтва – не злачынства". Тады ж быў моцна збіты і журналіст Павел Дабравольскі, паведамляе праваабарончы центр “Вясна”.