Севярынца аштрафавалі амаль на 9,5 мільёна рублёў

Суд Маскоўскага раёна Мінска 6 красавіка аштрафаваў сустаршыню БХД Паўла Севярынца на 9,45 млн рублёў (45 базавых велічынь) за ўдзел у несанкцыянаваным мітынгу прадпрымальнікаў 14 сакавіка.

Севярынец сказаў БелаПАН, што на судзе яго не было.

У пратаколе за ўдзел у акцыі прадпрымальнікаў было напісана, што палітык крычаў на акцыі «Жыве Беларусь!» і «Працу!».

Сёння за ўдзел у гэтай жа акцыі прадпрымальнікаў суд Маскоўскага раёна на 15 базавых велічынь (3 млн 150 тыс. рублёў) таксама аштрафаваў старшыню РГА “Перспектыва» Анатоля Шумчанку.