Эксперт: "Наступныя – Беларусь і Малдова. Расія працягне дэстабілізацыю" (відэа)

Каментуючы расійска-амерыканскія перамовы апошняга часу, Арсень Сівіцкі зазначае, што мэсідж ЗША такі: «Сірыйскае пытанне і ўкраінскае – розныя парадкі дня, ніякай пакетнай здзелкі па абмене Сірыі на Украіну не будзе».

Разам з тым вядуцца актыўныя перамовы паміж Мінскам і Вашынгтонам, у тым ліку па лініі Міністэрстваў абароны.

«Згодна з ацэнкамі Пентагону, Расія працягне курс па дэстабілізацыі постсавецкай прасторы, у гэтым кантэксце наступныя мэты – Усходняя Еўропа, працяг ва Украіне, Беларусь, Малдова», – цытуе Сівіцкага Белсат.

Ён кажа, што Беларусь пачынае граць важную ролю ў падтрыманні стабільнасці і бяспекі. Таму вядуцца актыўныя кансультацыі з ЗША, якія ацанілі нейтральную пазіцыю Менску – у тым ліку адмову па размяшчэнні расейскай авіябазы.

Мінск «гарантуе немагчымасць выкарыстання беларускай тэрыторыі для агрэсіі супраць іншых краін – у прыватнасці, Расіі супраць краін НАТО – Польшчы і краінаў Балтыі, а не толькі супраць Украіны».