«Расія - гэта вайна»: маладафронтаўцы правялі акцыю каля расійскай амбасады

Актывісты «Маладога фронту» прыйшлі да расійскую амбасаду з патрабаваннямі вызваліць Надзею Саўчанку, плакатамі: «Не саюзу з Бандай!», «Пуцін акупант».

Акцыя прымеркаваная да гадавіны Саюзу Беларусі і Расіі, які паўстаў 2 красавіка 1997 года, паведамляе "Белсат".

«2 красавіка ў Беларусі і Расіі адзначаецца г.зв. дзень яднання народаў Беларусі і Расеі, хаця што і яднала нас усю гісторыю, дык гэта войны, у якіх Беларусь адстойвала сваё права на незалежнасць ад Расейскай імперыі. Тым больш барацьба за незалежнасць ад шавіністычнай Расеі актуальна цяпер, калі Арда распачала крывавую бойню ва Украіне і акупавала частку тэрыторыі суседняй дзяржавы», – адзначаецца ў прэс-рэлізе «Маладога фронту».

Падчас акцыі актывісты выканалі неафіцыйны гімн Беларусі «Магутны Божа». Праваахоўнікі склалі адміністратыўныя пратаколы на ўсіх удзельнікаў акцыі.