Святлана Алексіевіч: Прысуд Надзеі Саўчанка - гэта варʼяцтва ўлады

"Гэта ўжо не проста злачынства ўлады, гэта нейкае варʼяцтва ўлады, якая ўжо знаходзіцца ў нейкім экстазе ад сваіх магчымасцяў і ад сваёй беспакаранасці. Бо ўсім жа відавочна, што гэта палітычны працэс, які не мае пад сабой ніякіх падстаў. Што судзяць не Надзею Саўчанка, а судзяць Украіну. Украіне хочуць паказаць, свету хочуць паказаць, што, маўляў, ніхто нам не ўказ. Але ўсё гэта нагадвае нейкае варʼяцтва. Нейкую агонію. Бо палітыка ўсё ж, як бы там ні было, гэта разумныя дзеянні ў пэўнай ступені. А гэта ўсё нават не разумна", - сказала яна.

Па словах Алексіевіч, "мы ўсе захоплены мужнасцю Надзеі". "Мы ўсе яе не пакінем і будзем далей за яе ўсе змагацца. І ўсё-такі я спадзяюся, што мы пераможам. Ну не могуць жа яны быць мацнейшыя за ўсіх нас", - заявіла яна "Радыё Свабода".