Распачаты працэс беатыфікацыі фундатара Чырвонага касцёла Эдварда Вайніловіча

«10 красавіка пачнецца працэс беатыфікацыі Эдварда Вайніловіча, заснавальніка Чырвонага касцёла», - цытуе мітрапаліта БелТА.

Пра тое, што 10 красавіка ў Чырвоным касцёле пройдзе ўрачыстасць з нагоды пачатку беатыфікацыі Эдварда Вайніловіча сказаў у нядзелю, 20 сакавіка, падчас імшы і пробашч Уладзіслаў Завальнюк. Ён прывёў прыклад жыццёвага шляху Вайніловіча як узор дбайнага гаспадара, грамадзяніна і патрыёта. 

Эдвард Вайніловіч (1847—1928) увайшоў у гісторыю як палітычны і грамадскі дзеяч. Быў ганаровым міравым суддзёй Слуцкага павета, членам Дзяржсавета Расіі ад Мінскай губерні, тройчы абіраўся ў Дзяржаўную думу і г.д. У 1910 годзе па яго ініцыятыве ў Мінску быў пабудаваны Чырвоны касцёл (Касцёл святых Сымона і Алены).
Беатыфікацыя - абрад далучэння памерлага да ліку блажэнных у каталіцкай царкве.