Кадэт з "Пагоняй" забраў дакументы з вучылішча

Нагадаем, у кастрычніку 2015 года ў сацсетцы "ВКонтакте" з’явіўся здымак кадэтаў Брэсцкай абласной кадэцкай вучэльні ў Ястрамбелі пад Баранавічамі: хлопцы апранулі на сябе майкі з Пагоняй і сфатаграфаваліся. Хлопцаў збіраліся адлічыць з вучэльні, але розгалас у СМІ і сацыяльная кампанія перашкодзілі гэтаму.

Аднак адзін з удзельнікаў той акцыі ўсё ж забраў дакументы з Брэсцкай абласной кадэцкай вучэльні ў Ястрамбелі.

"Я сышоў з вучылішча, а астатнія, хто быў на фота, засталіся там", — расказаў Intex-press былы кадэт Мікіта.

Хэштэг #пагоняпобач быў названы "Асамблеяй недзяржаўных арганізацый Беларусі" лепшай кампаніяй салідарнасці краіны ў 2015 годзе. Даведаўшыся, что Мікіту збіраюцца перадаць ўзнагароду "Чэмпіёны грамадзянскай супольнасці", яго бацькі выказаліся катэгарычна супраць.

Маці юнака не хоча, каб той нават кантактаваў са СМІ, бо баіцца, што гэта кепска адаб’ецца на лёсе хлопца. Маці папрасіла, каб журналісты больш не турбавалі іх сям’ю і нават не заходзілі "ВКонтакте" на старонку Мікіты, паведамляе “Наша ніва”.