Brutto не дазволілі выступіць 27 мая з канцэртам у сталічным Палацы спорту

Сваё вострае жаданне выступаць на Радзіме Сяргей Міхалок абазначыў у звароце пры канцы студзеня 2016-га да ўмоўнага беларускага "міністра культуры". Фактычна пасыл быў адрасаваны не канкрэтнаму чалавеку, які займае цяпер гэтую пасаду, а ўсім мясцовым чыноўнікам, адказным за ідэалогію. Прадусар гурта Антон Азізбекян прыехаў у Мінск з Кіева, дзе цяпер базуецца беларускі гурт, каб падаць адпаведныя дакумэнты ў Мінгарвыканкам. Быў заяўлены выступ у Палацы спорту на 27 траўня.

"Мы вырашылі рабіць канцерт у Палацы спорту, бо гэта была адзіная пляцоўка, якая адказала на пытанне пра наяўнасць свабодных датаў. Мінгарвыканкам нам параіў менавіта яе. Мы абралі 27 траўня, на наступны дзень пасля канцэрту гурта "Звери", каб не разбіраць сцэну і гук з святлом", – распавёў Азізбекян.

Заява гурта разам з тэкстамі была разгледжаная і ў выніку незадаволеная. Але адмова не была звязаная, як у выпадку з Вайцюшкевічам з пунктам, дзе вядзецца пра экстрымізм, гвалт і парнаграфію, і не з уцечкай этэленгліколю, як у выпадку з фэстам "Арт-сядзібы".

"Нам далі адказ са спасылкай на інфармацыю, якую прадаставіў Палац спорту, што дата, якую дала пляцоўка ў выніку апынулася занятай мантажам абсталявання. І сказалі, каб мы выбіралі іншую дату. Ад ідэі правядзеньня канцэрту ў Мінску мы не адмаўляемся – цяпер узгадняем іншую дату. У нас няма адчування бегу па зачараваным коле. І сам я аптыміст ды рэаліст. За намі праўда і мы нічога не парушылі, у адрозьненні ад "Лениграда". Мы пяць год тут не выступалі і хочам спяваць у сваёй краіне. І ў мяне ёсць унутранае адчуванне, што так і будзе. Я яму заўжды давяраю", – кажа Азізбекян.

Сяргей Міхалок з гэтай нагоды запісаў чарговы відэазварот, у якім выказаў упэўненасць, што канцэрт Brutto у Мінску абавязкова адбудзецца. Музыку ўзрушыў таксама факт, што чыноўнікі з выканкаму запрасілі вярнуцца яго разам з жонкай Святланай Зелянкоўскай і сынам Макарам на Радзіму, паведамляе tuzin.fm.