«Белавія»: новыя нормы адносна акумулятараў датычацца толькі грузаперавозак

Сусветныя інфармацыйныя агенцтвы распаўсюдзілі інфармацыю пра новыя правілы перавозкі літый-іонных акумулятараў у самалётах. Маўляў, праз іхнюю пажарную небяспеку з 1 красавіка забаронена здаваць іх у багаж.

Такі від акумулятараў выкарыстоўваецца ў большасці электронікі.

Як патлумачылі ў «Белавія», новыя правілы ўсё ж не датычаць акумулятараў, якія выкарыстоўваюцца ў ноўтбуках, мабільніках, фотаапаратах.

Гаворка ідзе толькі аб перавозцы акумулятараў у грузе пасажырскімі рэйсамі. Адгэтуль партыі акумулятараў можна будзе перавозіць толькі грузавымі рэйсамі, піша "Наша Ніва".
Як паведамлялася раней, міжнародная арганізацыя грамадзянскай авіяцыі (International Civil Aviation Organization, ICAO) забараніла перавозку літый-іённых акумулятараў на пасажырскіх паветраных судах. Забарона будзе дзейнічаць да таго часу, пакуль не будзе распрацавана вогнеўстойлівая ўпакоўка.
Забарона распаўсюджваецца на стандартныя акумулятары, якія выкарыстоўваюць у фотаапаратах, смартфонах і іншай электроніцы. Увялі яе з-за пажаранебяспекі.