Вынесены другі смяротны прысуд ў гэтым годзе ў Беларусі

Па папярэдняй інфармацыі, якая стала вядомая прадстаўнікам кампаніі “Праваабаронцы супраць смяротнага пакарання ў Беларусі” на днях Мінскі абласны суд вынес смяротны прысуд грамадзяніну Х.

Па наяўнай інфармацыі, гэты вырак быў вынесены пасля перагляду ягонай крымінальнай справы, па якой раней гэты грамадзянін быў асуджаны да пажыццёвага зняволення, паведамляе праваабарончы цэнтр «Вясна».

Праваабаронцы высвятляюць акалічнасці вынясення чарговага смяротнага прысуду.

Гэта другі смяротны прысуд вынесены ў Беларусі ў 2016 годзе. Нагадаем, прысудам Мінскага абласнога суда ад 5 студзеня 2016 года Генадзь Якавіцкі, неаднаразова судзімы, прызнаны вінаватым у забойстве, учыненым з асаблівай жорсткасцю.