Беларусам прапануюць тур у Паўночную Карэю з 30 % зніжкай

Турысты з Беларусі паляцяць разам з фанатамі авіяцыі з іншых краін на адным з апошніх у парку «Белавія» самалёце Ту-154. Тур прадоўжыцца пяць дзён.

Кошт паездкі ў самую закрытую краіну свету складае 2 800 еўра. Ужо да снежня былі выкупленыя ўсе месцы бізнес-класа, паведамляюць Naviny.by. Кампанія «Мерлинтур» абвясціла аб новых умовах пералёту і зніжцы ў 30 %. Раней меркавалася, што на шляху з Мінска ў Пхеньян самалёт здзейсніць толькі пасадку для дазапраўкі ў Новасібірску.

Цяпер праграмай пералёту запланавана і пасадка ў Маскве. Карміць ў палёце абяцаюць стравамі карэйскай кухні. Кошт тура са зніжкай для пасажыраў з Менска складае 1 910 еўра, з Масквы – 1 770 еўра. У кошт тура ўваходзіць пералёт, трансфер, пражыванне, харчаванне і экскурсіі па Паўночнай Карэі.