Украінцы больш за ўсё любяць Польшчу і Беларусь

В Украине

Паводле апытання ўкраінскай сацыялагічнай групы "Рэйтынг", добра да Польшчы ставяцца 58% украінцаў, 35% - нейтральна, 5% — негатыўна.

На другім месцы сімпатый знаходзіцца Беларусь. Да яе добра ставяцца 53% апытаных, нейтральна — 40%, адмоўна — 4%, вельмі негатыўна — менш за 1%.

Еўрасаюз знаходзіцца на трэцім радку рэйтынгу: яго любяць 49% украінцаў, нейтральна ставяцца 39%, адмоўна — 9%.

ЗША знаходзяцца на восьмым месцы сімпатыяў.

Расія знаходзіцца на апошнім месцы: да яе добра ставяцца 16% апытаных, нейтральна — 21%, адмоўна — 59%.

У той жа час сітуацыя ў частцы Данбасу, якая знаходзіцца пад кантролем Украіны, адрозніваецца. Там на першым месцы сімпатый — Беларусь, на другім – Расія. Больш за ўсё жыхары Данбасу не любяць ЗША, паведамляе “Радыё “Свабода”.