Еўрасаюз зноў заклікае Беларусь да ўвядзення мараторыя на смяротнае пакаранне

«Права Генадзя Якавіцкага на абскарджванне прысуду павінна быць гарантавана ў поўным аб'ёме, - гаворыцца ў афіцыйнай заяве прэсавага сакратара Еўрапейскай службы знешняга дзеяння Маі Качыянчыч. - Спадара Якавіцкага прызналі вінаватым у здзяйсненні цяжкага злачынства, і мы выказываем нашыя наглыбейшыя спачуванні родным і блізкім ахвяры».

Але, тым не менш «Еўрапейскі cаюз выступае супраць прымянення смяротнай кары ва ўсіх выпадках і без выключэнняў»: «Мы заклікаем Беларусь, адзіную краіну ў Еўропе, у якой усё яшчэ прымяняецца смяротнае пакаранне, далучыцца да глабальнага мараторыя на смяротную кару ў якасці першага кроку на шляху да яе адмены».

«Замена пакаранняў на несмяротныя і пачатак шырокага абмеркавання пра смяротнае пакаранне з беларускім грамадствам былі б важным зрухам у гэтым напрамку», - зазначаецца ў заяве.