У Беларусь прыйшоў цыклон "Даніэла"

На Беларусь з паўднёвага захаду прыйшоў цыклон «Даніэла», які змяшчаецца праз нашу краіну на паўночны ўсход, у кірунку Расіі, паведамляе "Наша Ніва". З-за цыклону, які, зарадзіўшыся над паўднёвым захадам Еўропы абвешчаны аранжавы ўзровень небяспекі.

Аўтаўладальнікам рэкамендуецца адмовіцца ад паездак (асабліва далёкіх), а аўтамабілі паркаваць такім чынам, каб яны не перашкаджалі працы снегаўборачнай тэхнікі і, па магчымасці, далей ад дрэваў.

У сувязі з экстрэмальным надвор'ем метро падоўжыла работу ў раскладзе «гадзіны пік» да 10.30.
З-за неспрыяльнай абстаноўкі МНС рэкамендуе грамадзянам, асабліва асобам сталага веку, без асаблівай неабходнасці не выходзіць на вуліцу.
Рух на МКАД запаволены да 30—40 км/г, многія ўчасткі МКАД пакуль слаба расчышчаны. На галоўных скрыжаваннях дзяжурыць ДАІ. Асноўныя магістралі Мінска расчышчаюцца, у той жа малыя вуліцы і двары набліжаюцца да непраезнага стану. Большасць магутнасцяў камунальнікаў задзейнічаная на вялікіх магістралях.
Па дадзеных «Белэнэрга» у перыяд з 06-00 2016/01/11 да 06-00 2016/01/12 былі абясточаныя 80 населеных пунктаў. Адключэнні аператыўна ўстраняюцца аварыйнымі брыгадамі. Па стане на 06-00 2016/01/12 без электразабеспячэння заставаліся 48 населеных пунктаў у Брэсцкай, Віцебскай, Гомельскай і Мінскай абласцях.

Як раней паведамляла "ЕўраБеларусь", у бліжэйшыя дні чакаюцца снегапады з моцным ветрам.