Мітрапаліт Павел: У ЗША няма ўжо нічога хрысціянскага

Замена традыцыйнага віншавання Merry Christmas — Шчаслівага Раства — на іншыя свецкія варыянты, якая цяпер адбываецца ў ЗША, — гэта трагедыя для амерыканцаў, заявіў у інтэрв'ю БЕЛТА Мітрапаліт Мінскі і Заслаўскі Павел, Патрыяршы Экзарх усёй Беларусі.

Ён адзначыў, што падчас свайго служэння ў ЗША ў 1992-1999 гадах ён назіраў, як слоган Merry Christmas паступова выцясняўся з публічнага жыцця, у тым ліку пад ціскам сэкс-меншасцяў.

"Засталася толькі абгортка ад цукеркі, а самай цукеркі ўжо не існуе. Быццам бы ў іх свабода, але Бога ж там няма. Што я магу сказаць пра іх ліберальныя каштоўнасці? Разам з вадой выплюхнулі немаўля. Няма нічога ўжо там хрысціянскага. Але ж калісьці Амерыка сапраўды славілася сваім хрысціянскім светапоглядам", — падкрэсліў мітрапліт, паведамляе “Наша ніва”.