Цягнікі з Гродна ў Беласток пусцяць 12 сакавіка

Цягнікі па дадзеным маршруце перасталі хадзіць 13-га снежня па рашэнні польскага боку. Міністэрства інфраструктуры і развіцця Польшчы матывавала такое рашэнне недахопам сродкаў.

Як адзначыў Мацкевіч, цягнікі не адменены, яны прыпыненыя да 12-га сакавіка. Далей пытанне будзе разглядацца паўторна, паведамляе «Радыё Рацыя». Беларуская чыгунка не збіраецца пускаць на маршрут уласны склад, бо з-за рознай шырыні чыгуначнай каляіны ў беларускага боку няма такой магчымасці.

Раней стала вядома, што ўзамен часова прыпыненага маршруту Варшава–Гродна з 13-га снежня прызначаныя два бесперасадачныя вагоны Менск-Варшава, якія ідуць у складзе цягніка Масква–Варшава.