Мінтранс даў парады пасажырам Беларусi адносна паездак у таксі

"У сувязі з павелічэннем зваротаў грамадзян па пытаннях неабгрунтавана завышаных тарыфаў вадзіцелямі таксі, паведамляем: у выпадку, калі пасажыр не звяртаецца ў дыспетчарскую службу для заказу таксі, тарыфы гэтай дыспетчарскай службы на перавозку не распаўсюджваюцца", - адзначыла прэс-сакратар, паведамляе БЕЛТА.

Пры пасадцы са стаянкі, напрыклад, перавозчыкі могуць устанавіць у шмат разоў больш высокі тарыф з уключэннем таксометра і выдачай чэка аб аказанай паслузе. У адпаведнасці з правіламі аўтамабільных перавозак пасажыраў, зацверджанымі пастановай урада нумар 972 ад 30 чэрвеня 2008 года, пасажыр аўтамабіля-таксі мае права пры афармленні заказу на паездку атрымаць інфармацыю аб арыенціровачным кошце і ўмовах прадастаўляемых паслуг. "Просім даведацца да пасадкі аб кошце кіламетра дарогі і прыблізным кошце ад пачатковай да канчатковай кропкі маршруту", - параіла прэс-сакратар.

Акрамя таго, у адпаведнасці са згаданымі правіламі, вадзіцель таксі абавязаны пасля перавозкі, выкананай за наяўны і безнаяўны разлік, выдаць пасажыру касавы чэк. Кацярына Грыб таксама звярнула ўвагу, што тарыфы на паслугі па перавозцы пасажыраў у таксі не ўваходзяць у зацверджаны ўказам нумар 72 ад 25 лютага 2011 года пералік тавараў (работ, паслуг), цэны на якія рэгулююцца ўрадам, дзяржорганамі і арганізацыямі. Ён зацвярджаецца самастойна перавозчыкам.