Ва Ушачах адкрылі помнік народнаму паэту Беларусі Рыгору Барадуліну

Яшчэ ў 1995 годзе ў вершы «Прашэнне» Барадулін напісаў пра тое, каб на яго магіле замест помнікаў быў усталяваны валун з крыжом: "Калі я адыду, пастаўце мне валун сівы І крыж на валуне".

15 лістапада пры дапамозе авіяцыі Міністрэства па надзвычайных сітуацыях ва Ушачах усталявалі помнік на магіле народнага паэта Беларусі Рыгора Барадуліна. 26 снежня помнік быў афіцыйна адкрыты і асвячоны.

На цырымоніі прысутнічалі ўдава паэта Валянціна Быкава - родная сястра народнага пісьменніка Беларусі Васіля Быкава, пісьменнік і апазіцыйны палітык Уладзімір Някляеў, прадстаўнікі беларускай інтэлігенцыі і мясцовыя жыхары, паведамляе "Радыё Свабода".

Помнік уяўляе сабой валун з высечаным крыжом і надпісам "Рыгор Барадулін. Сын. 1935  -2014".

Барадулін пахаваны на Ушацкім могілках побач з магілай сваёй маці. Устаноўка валуна - гэта выкананне волі Рыгора Барадуліна.

Праца над помнікам вялася паўгода, крыж Еўфрасінні Полацкай высек на камені скульптар Ігар Зосимович. Камень вагой 2,5 тоны дастаўлялі на магілу паэта верталётам МНС з вёскі Кублічы Ушацкага раёна - у гэтую вёску хадзіў у школу Васіль Быкаў.

Помнік створаны на грошы грамадскасці. У лютым міністр культуры Беларусі Барыс Святлоў заявіў, што грошай на стварэнне помнікаў Рыгору Барадуліну, Васілю Быкаву і Генадзю Бураўкіну ў гэтым годзе грошай не будзе. Пытанні дзеля ўшанаваньня памяці гэтых вядомых беларусаў будуць разгледжаны "у бліжэйшы час, калі з'явіцца магчымасць", сказаў ён. "У бліжэйшы час - гэта можа быць і год, і два, і тры. Што тычыцца канкрэтнага тэрміну, то ўсё залежыць ад грошай. Вы ведаеце пра фінансавае, эканамічнае становішча", - дадаў кіраўнік Мінкульта.

Тым не менш, падчас цырымоніі адзін з ініцыятараў стварэння помніка журналіст Глеб Лабадзенка адзначыў унёсак мясцовых уладаў у справу ўстаноўкі помніка - яны арганізавалі будаўнічыя працы.

Рыгор Барадулін выдаў больш за 70 паэтычных зборнікаў, каля 30 зборнікаў перакладаў, шмат крытычных артыкулаў і эсэ. Яго творы перакладзены амаль на 40 моў. Паэт памёр у Мінску 2 сакавіка 2014 года ў 79 гадоў.