Украінскіх мытнікаў з украінска-беларуская мяжы злавілі на хабары

Трох украінскіх мытнікаў, якія працавалі на ўкраінска-беларуская мяжы, злавілі на атрыманні хабару, паведамляе "Радыё Рацыя". Мытнікі бралі грошы ва ўсіх, хто з таварамі перасякаў украінска-беларускую мяжу.

Затрыманне адбылося на чыгуначным памежным прапускным пункце «Удрыцк» на мяжы Ровенскай вобласці Ўкраіны і Берасцейскай вобласці Беларусі, – паведамілі ў прэс-цэнты Службы бяспекі Украіны.

Мытнікаў-хабарнікаў затрымалі проста на месцы злачынства, калі яны атрымлівалі грошы. Як высветлілася, мытнікі вымагалі грошы практычна з усіх, хто пераяжджаў праз прапускны пункт, нават з пасажыраў з невялічкімі партыямі тавару. Гэта тычылася і ўкраінскіх, і беларускіх грамадзян. Мытнікі патрабавалі ад аднаго чалавека ад пяцісот да дзвюх тысяч грыўняў, то бок ад 20 да 80 долараў. І займаліся гэтым сістэматычна. Цяпер арыштаваным карупцыянерам пагражае турэмны тэрмін ад 8 да 12 гадоў.