Беларускія чэкісты адзначаюць прафесійнае свята

Колькасць супрацоўнікаў органаў дзяржаўнай бяспекі ў Беларусі засакрэчаная. Паводле незалежных экспертаў, цяпер у КБД служыць больш за тысячу чалавек і яшчэ некалькі тысяч тайна супрацоўнічаюць з гэтай арганізацыяй. Вэтэранаў органаў бяспекі ў Беларусі больш за некалькі тысяч. Шмат хто з кіраўнікоў сілавых ведамстваў і самых розных дзяржаўных устаноў, у тым ліку тэатраў, раней працавалі ў КДБ, перадае "Радыё Свабода".

У Мінску і іншых гарадах супрацоўнікі КДБ усклалі кветкі да помнікаў заснавальніку ЧК Феліксу Дзяржынскаму.  Напярэдадні ў Магілёве быў адкрыты помнік «Чэкістам Магілёўшчыны».

Аляксандар Лукашэнка павіншаваў з гэтым днём кіраўнікоў, асабовы склад і ветэранаў спецслужбаў.

«Вашы высокі прафэсіяналізм, мэтанакіраванасць, мужнасць і адданасць доўгу надзейна служаць умацаванню суверэнітэту і цэласнасці Радзімы», — зазначыў ён.

Сёння прафесійнае свята супрацоўнікаў спецслужбаў адзначаюць таксама ў Расіі.