Гісторык Алег Латышонак узнагароджаны Крыжам Свабоды і Салідарнасці

Урачыстасць прайшла ў Беластоцкім аддзяленні Інстытута нацыянальнай памяці ў Беластоку, паведамляе «Радыё Рацыя».

Сярод адзначаных быў таксама беларускі прафесар Алег Латышонак:

– Для мяне важна не толькі тое, што атрымаў “Крыж”, а і тое, што сустрэў столькі людзей, з якімі калісьці дзейнічаў, з якімі сядзеў у турме. Таму гэта яшчэ і свята сустрэч, успамінаў. Нялёгка было. Цяпер, праз туман часу, інакш гэта бачыцца.

Прафесар Алег Латышонак з 1981-га года быў чальцом „Салідарнасці”, а пасля ўвядзення ваеннага становішча, дзейнічаў у падполлі. За што быў арыштаваны і асуджаны камуністычным рэжымам на зняволенне. Ордэны „Свабоды і Салідарнасці” прысудзіў прэзідэнт Польшчы Анджэй Дуда.