Удзельнікам "Марша студэнтаў" зрабілі заўвагі і адпусцілі

Выклікалі ўсіх студэнтаў, якія маюць прапушчаныя заняткі, аднак маладзёны перагаворваюцца, што сапраўдная прычына збору — гісторыя іх аднакурсніка Глеба Вайкуля. Падчас "Марша студэнтаў" у дачыненні да яго быў складзены пратакол за парушэнне парадку правядзення масавых мерапрыемстваў.

Камісія доўжылася каля дзвюх гадзін. Па выніку ўсіх выкліканых студэнтаў папрасілі напісаць тлумачальныя запіскі пра прычыны пропуску заняткаў, а таксама зрабілі ім так званую "заўвагу дэкана".

Заўвага — рэч менш сур'ёзная за вымову, і можа мець значэнне толькі ў выпадках тыпу засялення ў інтэрнат.

Глеб Вайкуль таксама напісаў тлумачальную запіску пра пропуск 92 акадэмічных гадзін, але, па яго словах, яе нават не чыталі. Пропускі заняткаў студэнт патлумачыў тым, што вымушаны быў здаваць акадэмічную розніцу пры пераходзе з платнай формы навучання на бюжэтную, і не паспяваў сумяшчаць заняткі з экзаменамі, паведамляе “Наша ніва”.