Рэктар БДУ перанёс сустрэчу са студэнтамі перад “маршам любові і салідарнасці”

На сайце БДУ пазначана, што сустрэча пераносіцца “у сувязі з заклікамі да супрацьпраўных дзеянняў і распаўсюджанай інфармацыяй пра магчымыя правакацыі” і “ў мэтах забеспячэння бяспекі студэнтаў”.

У гэты дзень студэнты планавалі зладзіць “марш любові і салідарнасці”, каб выказаць сваю нязгоду з увядзеннем ў БДУ аплаты за пераздачы залікаў і экзаменаў. Белдзяржуніверсітэт заставаўся апошняй навучальнай установай, дзе такую норму не ўводзілі. Нягледзячы на сабраныя шматлікія подпісы пад заявай студэнтаў, якія выступалі супраць такой навіны, кіраўніцтва БДУ не пайшло ім насустрач, перадае Еўрарадыё.