Мінск прыме Генасамблею Еўрапейскіх алімпійскіх камітэтаў

Рашэнне пра гэта было прынятае 21 лістапада у Празе па выніках галасавання прадстаўнікоў пяцідзесяці Нацыянальных алімпійскіх камітэтаў краін Еўропы. Акрамя нашай краіны на правядзенне чарговай генасамблеі ЕАК прэтэндавалі Арменія, Мальта, Македонія.

"Нягледзячы ні на якія абмежаванні, мы заўсёды былі з Еўропай, у сусветнай спартыўнай палітыцы. Прынятае рашэнне толькі паглыбляе гэтыя інтэграцыйныя працэсы ў сферы спорту". На яго думку, правядзенне генасамблеі ЕАК у 2016 годзе дазволіць умацаваць імідж і аўтарытэт краіны "як сацыяльна арыентаванай дзяржавы, надаваць першарадную ўвагу прапагандзе алімпійскіх ідэалаў, здаровага ладу жыцця, развіццю фізічнай культуры і спорту", - адзначыў першы віцэ-прэзідэнт НАК Беларусі Максім Рыжанкоў. 

У наступным годзе ў Беларусь сабраўся з візітам прэзідэнт Міжнароднага алімпійскага камітэта Томас Бах. Паводле папярэдніх звестак, у Мінску Бах хоча сустрэцца з легендарнымі беларускімі фехтавальшчыкамі Аляксандрам Раманьковым і Аленай Бяловай. Ён выступаў з імі на Алімпійскіх гульнях. Апошні раз прэзідэнт МАК наведваў Беларусь у 1997 годзе, гэта быў Хуан Антоніа Самаранч, паведамляе "Ёўрарадыё” са спасылкай на ТАСС.