Беларусь збіраецца абараняцца ад НАТО

Узмацненне ваеннай актыўнасці НАТО паблізу межаў Беларусі расцэньваецца як ваенная небяспека. Пра гэта заявіў міністр абароны генерал-лейтэнант Андрэй Раўкоў у праграме "Галоўны эфір" тэлеканала "Беларусь-1", якая была паказана вечарам 15 лістапада.

"Трэба разумець, што на сёння ў Рэспублікі Беларусь на паўночным захадзе дзве дзяржавы НАТО, на захадзе — дзяржава НАТО. І размяшчэнне паблізу нашых межаў баз, складоў для забеспячэння дзеянняў груповак войскаў, што яны зараз вырабляюць, гэта, вядома, з'яўляецца пэўнай небяспекай. Але, напэўна, казаць пра тое, што ёсць ваенная пагроза — яе няма", — цытуе міністра "Наша НІва" са спасылкай на БелаПАН.

"Зараз мы разглядаем гэта як ваенную небяспеку, — зазначыў Раўкоў. — І, вядома, прымаем пэўныя меры, каб адэкватна на гэта рэагаваць. У тым ліку на павелічэнне інтэнсіўнасці аператыўнай і баявой падрыхтоўкі на сумежнай тэрыторыі".

Паводле слоў кіраўніка Мінабароны Беларусі, краіна ідзе па шляху не толькі гатоўнасці да абароны сваімі сіламі і сродкамі, але і бярэ актыўны ўдзел у двухбаковых і шматбаковых саюзах — Саюзная дзяржава, Арганізацыя Дагавора аб калектыўнай бяспецыі і Садружнасць Незалежных Дзяржаў.

Міністр запэўніў, што "ўзаемадзеянне ва ўсіх гэтых саюзах носіць цалкам абарончы характар, каб абараніць нашы нацыянальныя інтарэсы, нашу тэрыторыю, выканаць саюзніцкія абавязацельствы".