У Светлагорску хочуць паставіць памятны крыж ахвярам сталінскіх рэпрэсій

Гэтае рашэнне было ўхваленае яшчэ ў 1992 годзе.

Але крыж прастаяў на вызначаным месцы каля старасвецкіх могілак нядоўга, пасля чаго ўвогуле знік.

Паводле жыхара Светлагорска Юрыя Ляшэнкі, актывісты знайшлі ў прыватных архівах дакумент з рашэннем райвыканкама пра ўсталяванне крыжа.

- Быў рэпрэсаваны амаль кожны трэці чалавек. Для многіх сем’яў гэта стала вялікай ранай. Таму трэба пра гэта прыгадваць, праводзіць мерапрыемствы, аднаўляць памяць, каб гэта не паўтарылася ў будучыні, - цытуе "Радыё Рацыя" актывіста са Светлагорска.

З-за закрытых архіваў дагэтуль немагчыма вызначыць дакладную колькасць рэпрэсаваных у савецкія часы жыхароў Беларусі. Даследаванні гісторыкаў паказваюць, што агульная лічба пацярпелых ад карных органаў грамадзянаў можа дасягаць паўтара мільёна, з іх каля трохсот тысяч чалавек было расстраляна.