У Мінску падтрымаюць беларускага дысідэнта Сяргея Ханжанкова

Сяргей Ханжанкоў - арганізатар і кіраўнік моладзевай антыкамуністычнай арганізацыі, былы палітвязень, які правёў у мардоўскіх лагерах 10 гадоў зняволення і выйшаў у 1973-м. Яго дзед і бацька ў свой час прайшлі выпрабаванні сталінскімі савецкімі лагерамі. 

У 1962 годзе Ханжанкоў разам з паплечнікамі стварыў невялікую падпольную групоўку, якая збіралася распачаць друк антысавецкіх улётак. Хлопцы збіраліся падарваць радыёглушыльную вежу ля касцёла Святога Роха ў Мінску. Але сярод іх быў аднагрупнік Ханжанкова, які аказаўся сексотам і данёс на дысідэнтаў. 27 траўня 1963 групу арыштавалі, Сяргея Ханжанкова асудзілі за "спробу зрабіць дыверсію" і "антысавецкую агітацыю і прапаганду" .

"Сяргей Мікалаевіч - адна з выбітных асобаў Беларусі - інтэлігентны, гуманістычны і смелы. Ніколі не прасіў сабе "памілавання" ў лагерах, як і цяпер - не порсіць дапамогі, але сябры жадаюць падтрымаць яго і яго сям'ю не толькі маральна. І зпрашаюць усіх сумленных і неабыякавых беларусаў прыйсці на вечарыну", - сказана на старонцы сустрэчы ў сетцы Фэйсбук.

Мерапрыемства адбудзецца а 18-ай гадзіне.