Знік журналіст Зміцер Хведарук

Рэдактар Беларускага Радыё Рацыя Віталь Сямашка паведаміў «Белсату», што меў заданне для Змітра на сёння, звязаўся з ім праз скайп і атрымаў адказ «Прабачце, хварэю».

«Пятнаццаць спробаў датэлефанавацца» нічога не далі. «Белсат» таксама не здолеў звязацца з журналістам: тэлефон адключаны.

Сямашка кажа, што мае «вельмі кепскія прадчуванні».

Зміцер Хведарук быў адным з трох затрыманах гледачоў на матчы Беларусь – Македонія. Заўзятараў лучыла тое, што ўсе яны мелі шалікі з «Пагоняй». Зміцер атрымаў штраф, абвесціў збор сродкаў і выплаціў яго.

Праз гэты выпадак Зміцер стаў героем учорашняй «Размовы дня» з Уладзімірам Мацкевічам на нашым канале.