Пратэст супраць расійскай авіябазы абышоўся ў 53 мільёны штрафу

Сёння суд Цэнтральнага раёна Мінска засудзіў семярых арганізатараў акцыі пратэсту супраць расійскай авіябазы, якая прайшла 4 кастрычніка на плошчы Свабоды ў Мінску. Агульная сума штрафаў склала больш за 53 мільёны рублёў.

Алесь Таўстыка аштрафаваны на 25 базавых велічынь (4,5 мільёна рублёў).

Уладзімір Някляеў на суд не з'явіўся, пакараны штрафам у памеры 50 базавых велічынь (9 мільёнаў рублёў).

Мікалай Статкевіч таксама аштрафаваны на 50 базавых велічынь.

Вячаслаў Сіўчык аштрафаваны на 60 базавых велічынь, мастак Аляксей Марачкін - на 20.

Алесю Меху далі штраф у памеры 40 базавых велічынь (7 мільёнаў 200 тысяч рублёў).

Старшыня АГП Анатоль Лябедзька аштрафаваны на 50 базавых велічынь.