Шварцэнэгер таксама хоча пакасіць з Лукашэнкам?

Пра планы славутага атлета Арнольда Шварцэнэгера наведаць Беларусь і яе прэзідэнта ў праграме "Карціна свету" на тэлеканале "РТР-Беларусь" расказала 16-гадовая Аляксандра Бурыкіна, паведамляе "Радыё Свабода".

Днямі ў Мадрыдзе яна ўстанавіла шэраг еўрапейскіх рэкордаў у паўэрліфтынгу — адмысловай сілавой дысцыпліне. З перамогай яе віншаваў сам Арнольд Шварцэнэгер, які на радзіме ў Аўстрыі пачынаў кар’еру менавіта ў гэтым відзе спорту.

Аляксандра Бурыкіна на цырымонію ўзнагароджання апранула майку з выявай кіраўніка Беларусі Аляксандра Лукашэнкі і дакладна такую ж падарыла Шварцэнэгеру. З яе слоў, менавіта тады ён сказаў, што хацеў бы асабіста пазнаёміцца з "моцным палітыкам":

"Ён паціснуў мне руку, сказаў, што я вельмі моцная. Я яму падарыла майку з выявай нашага прэзідэнта. Ён адказаў: „Я яго ведаю, гэта вельмі моцны палітык“. Таксама сказаў, што ў нас вельмі моцныя людзі і што ён збіраецца наведаць нашу краіну", — распавяла дзяўчына.