Skype запусціў сінхронны пераклад галасавых званкоў

Як вынікае з афіцыйнага паведамлення кампаніі, паслуга будзе даступная для шасці моў: англійскай, французскай, нямецкай, італьянскай, кітайскай і іспанскай.

"У кампаніі даўно марылі зламаць моўны бар'ер паміж карыстальнікамі", — сцвярджаюць у Skype.

Skype Translator выкарыстоўвае тэхналогіі распазнання маўлення і аўтаматычнага перакладу. Акрамя таго, адметнай рысай з'яўляецца машыннае навучанне: гэта значыць чым больш чалавек будзе карыстацца сэрвісам, тым карэктней пераклад будзе працаваць.

Таксама кампанія запускае аўтаматычны пераклад тэкставых паведамленняў — сэрвіс будзе падтрымліваць больш за 50 моў.

Новая функцыя з'явіцца ў бліжэйшыя некалькі тыдняў на платформах Windows, паведамляе “Наша ніва” са спасылкай на Бі-бі-сі.