Лябедзька, Некляеў і Статкевіч заклікаюць не дапусціць размяшчэння ў Беларусі вайсковай базы Расіі

“Кіраўніцтва РФ заявіла аб намеры размясціць на тэрыторыі Беларусі сваю вайсковую базу. Заява, зробленая ў аднабаковым парадку, – без уліку волі і жадання беларускага народа”, - гаворыцца ў сумеснай заяве Анатоля Лябедзькі, Уладіміра Некляева і Мікалая Статкевіча.

Яны адзначаюць, што размяшчэнне расійскай ваеннай базы “супярэчыць Канстытуцыі Рэспублікі Беларусь, пагражае нашай незалежнасці, наўпрост уцягвае Беларусь у ваеннае супрацьстаянне з суседзямі ў Еўропе, ператварае нашу краіну ў плацдарм вайны, робіць яе ваеннай мішэнню, ставіць пад рэальную пагрозу само жыццё беларусаў”.

“Мы мусім гэтаму супрацьстаяць! Усе разам, незалежна ад нашых палітычных поглядаў і перакананняў!” – падкрэсліваюць палітыкі.