Машына з "блатнымі" нумарамі пратараніла "цэнтр апазіцыі" ў Гомелі (відэа)

Інцыдэнт адбыўся ў Гомелі па адрасе Палеская, 52 а 3 гадзіне ночы. Камеры назірання зафіксавалі, як «Таёта» на вялікай хуткасці ўрэзалася ў металёвуюбраму ды пашкодзіла цагляны мур. На месца здарэння неўзабаве прыехала хуткая дапамога і ДАІ. Кіроўца і яго пасажыр сур’ёзна не пацярпелі, прынамсі самастойна выбраліся з машыны. Нумарныя знакі «7777 EX» могуць указваць на прыналежнасць аўта працаўніку МУС, паведамляе Белсат.

Як бачна на відэа з камераў назірання, віноўнік здарэння хістаўся – ці то пад уплывам алкаголю (псіхатропаў), ці, магчыма, ад перанесенага стрэсу.

У будынку, каля якога здарыўся інцыдэнт, знаходзіцца мясцовы офіс Аб’яднана грамадзянскай партыі, а таксама офіс грамадскай арганізацыі «Прававая ініцыятыва». Выклікае здзіўленне той факт, што ўладальніца будынку Зінаіда Шуміліна пра здарэнне даведалася на ад праваахоўнікаў, а ад сваіх знаёмых, якія на тралейбусе праязджалі побач з месцам здарэння.