Беларусь - найбуйнейшы пастаўшчык ківі ў Расію

Увогуле, за год Беларусь больш чым у два разы павялічыла пастаўкі ў Расію садавіны.

Паводле ацэнак экспертаў партала FruitNews, за год дзеяння расійскага эмбарга Беларусь завезла Расію 672,1 тыс. тон садавіны, хаця за год да таго пастаўкі садавіны складалі 325,1 тыс. тон. У прыватнасці, пастаўкі грушаў павялічыліся амаль у тры разы — да 96 тыс. тон, яблыкаў — на 96% (337 тыс. тон), цытрусавых — на 60% (да 27 тыс. тон).

Ківі ў Беларусі не растуць, але наша краіна выйшла на першае месца па пастаўках гэтай садавіны ў Расію. Іх прырост склаў 151% пры аб'ёме 10 тыс. тон. Агулам Расія імпартавала 53 тыс. тон ківі.

Па словах гендырэктара FruitNews Ірыны Козій, акрамя Беларусі пасля ўвядзення расійскага эмбарга значна павялічылі аб'ёмы паставак садавіны Турцыя і Сербія, паведамляе “Еўрарадыё”.