Сёння ў Мінску пройдзе вечарына салідарнасці з Украінай "У вайны не дзіцячае аблiчча"

На вечары выступіць сямейны эстрадны гурт "Без секунднай стрэлкi", удзельнікам якога 7 - 11 гадоў. Таксама будзе арганізаваны невялікі кірмаш, дзе ўсе ахвотныя змогуць набыць за свой кошт сувенір хэнд-мэйд, і, тым самым унесці свой уклад у падтрымку ўкраінскіх дзяцей.
"Усіх гасцей, якія наведаюць наш вечар салідарнасці, пачастуем смачным гарбатай з печывам. Уся сабраная дапамога і сродкі будуць перададзеныя валанцёрам з суполкі "Гуманiтарны маршрут" Беларусь - АТА", - паведаміла Службе інфармацыі "ЕўраБеларусі" арганізатарка акцыі Юлія Сцяпанава.
Чым можна дапамагчы? Дзіцячым адзеннем, абуткам, сродкамі асабістай гігіены, падгузкамі, дзіцячым харчаваннем, канцылярскімі прыладамі (ручкі, алоўкі, сшыткі, альбомы для малявання, фарбы...), прысмакі, прадукты харчавання. Усе рэчы павінны быць чыстымі і цэлымі. Прадукты павінны быць належнай якасці, з прастаўленым тэрмінам прыдатнасці, яны не павінны хутка псавацца і патрабаваць спецыяльнага абсталявання для захоўвання. Можна прынесці хуткараспушчальнае дзіцячае харчаванне, кашы, макаронныя вырабы, сухое малако, фруктовыя, агароднінныя, мясныя пюрэ ў запаяных металічных слоічках, сокі ў кардонных скрынках, печыва, цукеркі.
Вечарына салідарнасці адбудзецца аб 18-ай гадзіне ў мінскай управе БНФ (Чарнышэўскага, 3а).