Парашэнку заклікаюць перайсці на беларускую мову ў кантактах з афіцыйным Мінскам

У петыцыі адзначаецца, што Беларусь, як і Украіна, змагаецца з моўна-культурнай экспансіяй Расіі і бароніць сваё права на ідэнтычнасць. Беларускія патрыёты падтрымалі барацьбу ўкраінцаў за свабоду, еўрапейскі выбар і ў змаганні з расійскай агрэсіяй. Але ж, ва ўсіх фарматах кантактаў з Рэспублікай Беларусь дагэтуль выкарыстоўваецца выключна руская мова, нібыта беларускай не існуе.

Аўтары петыцыі прапануюць выкарыстоўваць беларускую мову найперш у кантактах з афіцыйнымі беларускімі ўстановамі, зарганізаваць службу беларускамоўных паведамленняў пра рух цягнікоў беларускага кірунка, стварыць беларускамоўную версію сайта ўкраінскай амбасады ў Беларусі, а таксама выкарыстоўваць беларускую мову на этыкетках усёй украінскай прадукцыі, якая экспартуецца ў Беларусь.

З годна з украінскім заканадаўствам, электронныя петыцыі, адрасаваныя прэзідэнту Украіны, разглядаюцца ў тым разе, калі яны набіраюць не менш за 25 000 подпісаў цягам трох месяцаў.