Рэктар БДУ не бачыць патрэбы ў Беларускім нацыянальным універсітэце

"Мы выконваем тыя ж функцыі, што і вядучыя ВНУ нашых суседзяў — Маскоўскі і Санкт-Пецярбургскі дзяржаўныя ўніверсітэты, хоць слова "нацыянальны" ў іх назвах няма, акрамя Кіеўскага нацыянальнага ўніверсітэта імя Тараса Шаўчэнкі, але такі статус маецца на ўвазе", — цытуе рэктара БелаПАН.

Абламейка звяртае ўвагу, што стварэнне новага ўніверсітэта патрабуе шмат часу і высілкаў. Акрамя таго, важным пытаннем з'яўляецца выкладчыцкі склад.

Нагадаем, што пытанне нацыянальнага ўніверсітэту зноў стала актыўна абмяркоўвацца пасля таго, як рэктарам Еўрапейскага гуманітарнага ўніверсітэта стаў амерыканец Дэвід Полік. Прадстаўнікі беларускай інтэлігенцыі пасля гэтага заявілі, што Беларусі неабходны новы нацыянальны ўніверсітэт, паведамляе “Еўрарадыё”.