Праўладныя сацыёлагі правядуць напярэдадні выбараў маштабнае сацыялагічнае даследаванне

У год прэзідэнцкіх выбараў праводзіцца як мінімум тры масавыя апытанні насельніцтва па нацыянальнай выбарцы, паведаміў дырэктар Цэнтра сацыялагічных і палітычных даследаванняў БДУ Давід Ротман.

Ён адзначыў, што пры даследванні будуць улічвацца памеры населеных пунктаў, якія адбіраюцца выпадкова, таксама выпадкова будуць адабраныя раёны ў населеных пунктах, вуліцы, дамы, кватэры, людзі ў кватэрах. Паводле навукоўца, павінна быць не менш за пяць элементаў выпадковасці адбору.

Апытанні праводзяцца прыкладна за паўгода, за два месяцы і за два тыдні да выбараў. Акрамя таго, Ротман спадзяецца, што будуць арганізаваныя экзіт-полы на выхадзе з выбарчых участкаў у дзень выбараў. Гэтыя апытанні, па яго словах, хутчэй за ўсё будуць ладзіць тры-чатыры арганізацыі.

Сацыёлаг паабяцаў, што вынікі даследавання будуць даступныя ў СМІ, а таксама іх дашлюць у амбасады, паведамляе “Еўрапейскае радыё” са спасылкай на БелаПАН.