Лукашэнка раззлаваўся на беларускіх хакеістаў: Такі бяздарны хакей - гэта ганьба!

 Такое меркаванне кіраўнік дзяржавы выказаў, размаўляючы з прадстаўнікамі працоўнага калектыву Мінскага трактарнага завода 15 траўня, паведамляе БЕЛТА.

"Ганьба. Што мы толькі для іх ні рабілі. Выйсці і прадэманстраваць такі бяздарны хакей - гэта ганьба! 7:0, 9:0! - сказаў Аляксандр Лукашэнка. - Мы прабіліся ў плэй-оф… Ну колькі можна пра гэта гаварыць. Прабіліся - дык трэба выйграваць!"

"Канадцы - вельмі магутная каманда, цяжка ў яе камусьці выйграць. Але не 9:0!" - дадаў кіраўнік дзяржавы.

Паводле слоў Лукашэнкі, 7-е месца на чэмпіянаце - добры вынік, але яго перакрэслілі гэтымі дзвюма гульнямі, асабліва апошняй.