На прамых цягніках беларусы сёлета ў Крым не даедуць

Беларуская чыгунка не збіраецца гэтым летам аднаўляць прамыя цягнікі ў анексаваны Крым.

Апошні прамы цягнік Мінск – Сімферопаль праехаў у снежні 2014 года. Цяпер гэты цягнік працягвае курсаваць па маршруце да станцыі Запарожжа.

Цягнік ходзіць па няцотных чыслах. Час адпраўлення з Мінска — 7.44 раніцы, прыбыцця ў Запарожжа — 5.57 раніцы на наступныя суткі. Час у шляху — 22 гадзіны 13 хвілін. Плацкартны білет каштуе 830 000 рублёў, купэ — 1 317 700 рублёў.

Як паведамляла прэс-служба "Украінскай чыгункі", такі маршрут следавання абраны для таго, каб забяспечыць бяспеку руху цягнікоў крымскага кірунку.

Калі сітуацыя зменіцца, Беларуская чыгунка праінфармуе пасажыраў на сваім сайце.

Сёння таксама няма авіярэйсаў з Мінска да Сімферопаля . І адмянілі па эканамічных прычынах, паведамляе “Наша ніва” са спасылкай на tut.by.