Украіна чакае дыверсантаў на мяжы з Беларуссю

У прыватнасці, падчас майскіх святаў у пунктах пропуску будзе ажыццяўляцца ўзмоцнены памежны кантроль. Такія захады скіраваныя на спыненне спроб перасячэння мяжы тэрарыстамі і незаконнага перамяшчэння праз яе зброі.

У рамках дадатковых часавых рэжымных абмежаванняў, уведзеных летась, ва ўсіх кантраляваных памежных раёнах забараняецца: пражыванне ў памежнай паласе грамадзян Расійскай Федэрацыі, якія не маюць дазволу на пастаяннае пражыванне на тэрыторыі Украіны, выкарыстанне ў транспартных сродках радыёстанцый, акрамя спецыяльнага транспарту, рух транспартных сродкаў на тых дарогах, што вядуць ад населеных пунктаў да дзяржаўнай мяжы, на якіх няма памежных пераходаў (акрамя сельскагаспадарчай тэхнікі, якая праводзіць работы), спыненне транспартных сродкаў на ўзбочынах дарог на участках мясцовасці паміж дзяржаўнай мяжой і пунктамі пропуску. 

Украіна баіцца, што расійскія дыверсанты могуць справакаваць крывавыя сутычкі, як летась у Харкаве і Адэсе, паведамляе “Наша ніва”.