Для "Начных ваўкоў" пад Мінскам паставілі танк з бел-чырвона-белым сцягам

Грамадскія актывісты Вольга Мікалайчык, Андрэй Мельнікаў і Леанід Кулакоў вырашылі сустрэць расійскіх байкераў з мотаклуба "Начныя ваўкі" каля Кургана Славы. Яны падрыхтавалі плакат "Акупанты - вон", жоўта-блакітны і бел-чырвона-белы сцягі.  Паставілі партрэт загінулага на Майдане беларуса Міхаіла Жызнеўскага. Пра гэта Вольга Мікалайчык напісала ў сваім Facebook.

Аднак расійскія байкеры каля Кургана славы не з'явіліся.

Скандальны мотапрабег "Масква-Берлін" стартаваў у суботу з Масквы. Расійскія байкеры мусілі даехаць да Кургана Славы 25 красавіка а 23-й гадзіне. Паводле некаторых звестак, калона вырашыла спыніцца ў Смаленску і адправіцца ў Беларусь зранку ў нядзелю.

СМІ паведамляюць, што байкеры з клуба "Начныя ваўкі" ужо перасеклі мяжу з Польшчай.

Раней знешнепалітычныя ведамствы Польшчы і Чэхіі не дазволілі ўдзельнікам мотапрабега ўязджаць на тэрыторыю сваіх краін. Германія пазбавіла візы лідэраў клуба "Начныя ваўкі". Таксама загадзя абвясцілі, што калоне будзе забаронены праезд па Берліну.