На ўкраінска-беларускай мяжы ў грамадскіх актывістаў канфіскавалі кнігі

Па словах журналіста з Глыбокага Змітра Лупача, які вяртаўся ў Беларусь разам з гэтай групай, кнігі падаравалі ім прадстаўнікі ўкраінскага руху супраць цэнзуры.

- Дадзеная сітуацыя з канфіскацыяй кніг наадварот прыцягне інтарэс грамадскасці да яе, бо гэта будзе агучана ў СМІ, – распавёў «Радыё Рацыя» Зміцер Лупач. - Абурае тое, што побач адкрытая мяжа з Расеяй, якія кнігі прадаюцца. Я сам бачыў нават у Глыбокім у кнігарнях гэты расейскі шавінізм, і ніякая экспертыза не трэба, усё гэта ідзе праз мяжу, а тут яны ўбачылі такую вялікую пагрозу.

Як кажа Лупач, яго ўвогуле абражае тое, што ўлада імкнецца ўказваць ужо дарослым людзям, што ім чытаць. І калі на мяжы затрымліваюць кнігі пад назвай «Стоп цэнзуры» – гэта таксама сімвалічна.