Папа Рымскі спадзяецца прыехаць у Беларусь

15 красавіка падчас агульнай аўдыенцыі на плошчы св. Пятра ў Рыме Папа Францішак скіраваў прывітанне настаяцелям і навучэнцам вышэйшай духоўнай семінарыі ў Гродне, паведамляе catholic.by. На плошчы прысутнічалі таксама біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.

Звяртаючыся да святароў і семінарыстаў, Папа сказаў: «Сардэчна вітаю настаяцеляў і семінарыстаў Вышэйшай духоўнай семінарыі ў Гродне ў Беларусі, якія прыбылі ў пілігрымцы падзякі за 25 гадоў яе дзейнасці. Умілаваныя, няхай візіт да магіл святых апосталаў Пятра і Паўла нагадвае вам, што пакліканне да святарства, перш за ўсё, асабістая сустрэча з уваскрослым Хрыстом, які кліча і пасылае сваіх вучняў несці ўсім радасную навіну аб збаўленні. Аб’яднаныя з Ім, будзьце мужнымі, каб сведчыць Евангелле са шчырасцю і міласэрнасцю. Я благаслаўляю вас з любоўю. Хвала Езусу Хрысту!»

На запрашэнне супольнасці гродзенскай семінарыі наведаць Беларусь Папа ўсміхнуўся, узглянуў на неба і сказаў: «Калі дазволіць Пан Бог, то гэта будзе».

Пра гатоўнасць Папы Рымскага прыняць Лукашэнку заявіў кардынал Петра Паралін пад час свайго візіту ў Мінск 12-15 сакавіка. "З боку Святога пасаду ёсць уся гатоўнасць да такога візіту. чакаецца толькі рашэнне беларускага кіраўніцтва з запытам сустрэчы, удакладнення дат візіту", - падкрэсліў кардынал.