Па факце адпраўкі порна са скрыні Леаніда Судаленкі распачата крыминальная справа

15 красавіка кіраўнік абласной структуры аб’яднання "Прававая ініцыятыва” Леанід Судаленка абавязаны прысутнічаць на допыце ў следчага з абласнога ўпраўлення ўнутраных справаў.

Калегі праваабаронцы заяўляюць пра адназначнасць палітычнага пераследу і ўказваюць на сфабрыкаваны характар справы.

Сам Судаленка тлумачыць, што скрыня [email protected] сапраўды належыла яму. “Я ёй карыстаўся каля 15 год. Гэта публічная скрыня: я пазначаў яе на сваіх візітоўках ці на бланках сваёй арганізацыі”, - сказаў ён.

Аднак, адзначае праваабаронца, напрыканцы 2014 года электронную скрыню ўзламалі. “У мяне ёсць бясспрэчныя доказы гэтаму. У мяне маецца перапіска з тэхнічнай службай паштовай скрыні. То бок з пачатку гэтага году я згубіў кантроль над скрыняй”, – распавёў ён.

Ролікі парнаграфічнага зместу атрымалі падатковая інспекцыя і жыхар Навабеліцы. 8 красавіка супрацоўнікі міліцыі з аддзелу па барацьбе з наркагандлем правялі ператрусы з канфіскацыяй аргтэхнікі на офісе грамадска-палітычнага цэнтру па вуліцы Палеская, 52 і на кватэры Леаніда Судаленкі, паведамляе “Радыё “Рацыя”.