Рух транспарту ў цэнтры Мінска абмяжуюць праз падрыхтоўку да вайсковага параду

На ўчастку праспекта Машэрава ад вуліцы Даўмана да праспекта Пераможцаў у Мінску 13 красавіка будзе абмежаваны рух транспарту. Там пройдуць трэніроўкі зводнай роты ганаровай варты. Вайскоўцы рыхтуюцца да правядзення парада, прысвечанага 70-й гадавіне Перамогі ў Вялікай Айчыннай вайне, паведамляе БЕЛТА.

Як адзначаюць у ДАІ, сённяшняй трэніроўкай усё не скончыцца. Рух усіх відаў транспарту на гэтым участку будзе абмяжоўвацца 15, 17, 20, 22, 24, 26, 28, 30 красавіка і 1 траўня. Пад абмежаванне трапіць у тым ліку і наземны грамадскі транспарт.

ДАІ рэкамендуе аўтамабілістам загадзя планаваць маршрут аб'езду.