Могілкі ў закрытай чарнобыльскай зоне беларусы змогуць наведаць з 18 па 21 красавіка

Наведаць магілы родных у беларускіх зонах адсялення і адчужэння без спецыяльных дакументаў можна будзе 18-21 красавіка, паведамляе сайт Дзяржапагранкамітэта Беларусі. 

"Напярэдадні Радаўніцы на "закрытыя" ўчасткі Гомельскай вобласці можна будзе праехаць без спецыяльных дакументаў, дастаткова мець пры сабе толькі пашпарт. Тым, хто прыбывае на машыне, трэба будзе прад'явіць вадзіцельскае пасведчанне. Жадаючых скарыстацца такой магчымасцю звычайна каля 11-14 тыс. чалавек", - расказалі ў пагранічным ведамстве.

Акрамя таго, каб наведаць магілы ў Брагінскім, Нараўлянскім і Хойніцкім раёнах, неабходна атрымаць у сельсавеце даведку аб тым, што ў гэтых месцах пахаваны сваякі. Калі такога дакумента няма, то неабходна будзе заплаціць пошліну, роўную 0,2 базавай велічыні.