“Мова нанова” пашырае сваю дзейнасць

«Прычым гэта не абавязкова абласныя альбо вялікія гарады», – кажа каардынатар курсаў Глеб Лабадзенка.

- Адкрыліся курсы ў двух новых гарадах – Астравец і Гомель. Такім чынам штотыднёвая колькасць студэнтаў у сярэднім дасягнула 700 чалавек. Студэнцкіх білетаў мы выдалі ўжо больш за 1300 – ад кастрычніка, калі мы пачалі гэта рабіць. Канешне вельмі прыемна, што падвышаецца ўвага ў новых гарадах.

Паводле Глеба Лабадзенкі, у Гомелі на курсах збіраецца звычайна 50-60 чалавек, а ў невялікім гарадку Астравец курсы наведвае каля 35 навучэнцаў.

Працягваецца праца па стварэнні курсаў і ў іншых гарадах, паведамляе «Радыё Рацыя». Напрыклад, у Полацку ўжо ёсць каму весці заняткі, але пакуль арганізатары ніяк не знойдуць адпаведнае, зручнае памяшканне.